معجزة في أثناء ثورة ٢٥ يناير

الاسم : م .م
أنا طالب في الصف الثاني الثانوي ومن قرية من قرى ديروط وباخد دروس في ديروط وعندي
ساعة تقريباً فرق بين الدروس في ديروط فكنت بروح عند خالتي أو عند بنت عمتي وفي
أحداث الثورة والقلق رحت مره بين الدروس عند بنت عمتي ومكنش عندي رصيد علشان
أتصل بيها قبل ما أروح عندها ، فدخلت العماره وطلعت أخبط عليها فملقتهاش فنزلت
لقيت باب العمارة مقفول والأطفال الموجودين قالولي هات مفتاح من الناس اللي كنت
عندهم فطلعت أخبط تاني وفضلت أنادم على القديسين وكان من بينهم الأنبا كاراس
وفي حيرتي سمعت صوت سيده غير مسيحية نازلة فطلبت منها مفتاح ففتحتلي
ومشيت وجيت على الكنيسة ولقيتهم بيعملوا تمجيد لأنبا كاراس ففرحت خالص
وعملته معاهم وقلت دا أنبا كاراس عايزني أعمله تمجيد .
والمفاجأة لما روحت البيت عرفت إن بنت صاحب العمارة ( غير مسيحية ) كانت مختفيه شويه
ورجعوها محدش عارف إذا كانت هربت ولا إتخطفت وكان أي شاب غريب هايدخل العماره ها
يتهموه فيها وممكن يسلموه للبوليس ويسببوله مشاكل . فحسيت فعلاً إن التمجيد اللي
عملته لأنبا كاراس في كنيسته مكنش عادي ولكن دا كان ترتيب إلهي بصلاة أنبا كاراس .
ربنا يكون مع الكل وينفعنا بصلوات أبينا الحبيب أنبا كاراس